نفت الإعلامية المصرية رضوى الشربيني تسبّبها بطلاق مواطنَيها الفنانَين ياسمين عبد العزيز وأحمد العوضي، في معرض ردّها على زعم آخر بالزواج من رجل أعمال إماراتي.

وقالت في فيديو نشرته عبر حساباتها في مواقع التواصل الاجتماعي: "الكام يوم اللي فاتوا طلع شوية شائعات كأنها طالعة من الخلّاط... لما أتجوز هعلن، ولازم بناتي يوافقوا الأول... والإجابة على الشائعات دي هي إني لم أتزوج من رجل أعمال، ودي كدا المرة الـ15 أو الـ16 اللي تزوّجوني فيها... تجوزوني أخويا إزاي؟".

وأضافت: "حسيت إني وعدتكوا بالجواز وخلّيت بكم، وأشباه الرجال همّا اللي أطلقوا شائعة زواجي ومفيش راجل يلقح على ست، يعني الإماراتي اللي مقتدر مادياً ويشتريلي قارة عشان أتجوزه وأقعد في البيت ليه هيشتغل طيار طالما هو معاه فلوس؟".

وتابع: "الغريب إن فيه ناس قالت رمز الأنوثة ضربت البنات في الملوخية وراحت اتجوّزت واحد متجوّز... حلو هبد المتربصين ده، وأنا بقيت بتسلّى وأنا قاعدة في البيت،أنا لو هتجوّز هعلن ده، أنا حبّيت أقول للهبيدة أكيد لا أنا متجوّزتش، لدرجة إنهم حطّوا صورتي مع شقيقي وبتقولوا ده خطيبي الإماراتي، صراحة مستغربة من اللي بيتعمل ده، حبّيت أقول لجمهوري اللي بيسعد قلبي شكراً ليكم إنكم بتدافعوا عني بالشكل ده، وأنتم أحلى حاجة حصلت في حياتي".

وتابعت بشيء من السخرية: "أنا بلاقي نفسي متجوّزة كل شهر من حد مختلف، يا جماعة لو اتجوّزت كان زماني حامل في حمادة دلوقتي مش كده، أنا متجوّزتش حد عنده أطفال بالمناسبة زي ما حد من الجمهور قال كده".

قبل انتهاء البث التي أطلّت فيه الشربيني، فوجئت باتهامها من أحد المتابعين بالوقوف وراء طلاق العوضي وعبد العزيز، فردّت عليه: "أنتم عندكم مشاكل أكيد عشان بتفكّروا بالشكل ده".